AUTOTECH Kerala

ഡിഫറൻഷ്യൽ നിർമാണം ഒരു ഡിഫറൻഷ്യൽ യൂണിറ്റിന്റെ ലളിതമായ ചിത്രമാണ് ഇവിടെ നൽകിയിരിക്കുന്നത്. ഫൈനൽ ഡ്രൈവിലെ ക്രൗൺ വീലിനെ ഒരു കേജുമായി ബന്ധപ്പെടുത്തിയിരിക്കുന്നു. കേജിനുള്ളിൽ കൂടി കടത്തിയിരിക്കുന്ന ക്രോസ്സ് പിന്നിലായി രണ്ട് പ്ലാനറ്റ് പിനിയനുകൾ കയറ്റി നിർത്തിയിരിക്കുന്നു. പ്ലാനറ്റ് പിനിയനുകളുടെ ഇരുവശങ്ങളിലുമായി രണ്ട് സൺ ഗിയറുകൾ ഇണക്കി നിർത്തിയിരിക്കുന്നു. പ്ലെൻസുകളോടു കൂടിയ ആക്സിൽ ഷാഫ്റ്റുകൾ സൺ ഗിയറുകൾക്ക് ഉള്ളിലേക്ക് കയറ്റി നിർത്തുന്നു. പ്രവർത്തനം വാഹനം നേർരേഖയിൽ സഞ്ചരിക്കുമ്പോൾ രണ്ട് വീലുകളിലും അനുഭവപ്പെടുന്ന ലോഡ് തുല്യമായിരിക്കും. ഇക്കാരണത്താൽ സൺ ഗിയറുകൾക്കിടയിൽ പ്ലാനറ്റ് പിനിയനുകൾ ലോക്ക് ആകുകയും ക്രൗൺ വീലിനൊപ്പം ഡിഫൻഷ്യൽ ഒറ്റ യൂണിറ്റായി തിരിയുകയും ഇരുവീലുകളിലേക്കും തുല്യ അളവിൽ കറക്കത്തെ കൈമാറ്റം ചെയ്യുകയും ചെയ്യുന്നു. വാഹനം വളവ് തിരിയുന്ന അവസരങ്ങളിൽ അകത്തെ വീലുകളിൽ കൂടുതൽ ലോഡ് അനുഭവപ്പെടുന്നു. ഈ സമയം ആ ഭാഗത്തെ സൺ ഗിയർ നിൽക്കുവാൻ ശ്രമിക്കുന്ന സൺ ഗിയറിന്റെ മുകളിൽ കൂടി കറങ്ങിത്തിരിയുന്നു. ഇക്കാരണത്താൽ അകത്തെ വീലുകളെക്കാൾ കൂടുതൽ വേഗത്തിൽ പുറത്തെ വീലുകൾ തിരിയുകയും വാഹനത്...

ഫൈനൽ ഡ്രൈവ് പ്രൊപ്പല്ലർ ഷാഫ്റ്റിൽ നിന്നുള്ള കറക്കം റിയർ ആക്സിലിലേക്ക് കൈമാറുന്നത് ഫൈനൽ ഡ്രൈവ് വഴിയാണ്. ഒരു വാഹനത്തിലെ ഫൈനൽ ഡ്രൈവ് പ്രധാനമായും രണ്ട് ധർമ്മങ്ങളാണ് നിറവേറ്റുന്നത്. (1) പ്രൊപ്പല്ലർ ഷാഫ്റ്റിന്റെ കറക്കത്തെ 90° കോണിൽ തിരിച്ചുവിടുക. (2) റിയർ ആക്സിലിൽ സ്ഥിരമായ ഒരു സ്പീഡ് റിഡക്ഷൻ സാധ്യമാക്കുക. (സ്പീഡ് കുറച്ച് ടോർക്ക് വർദ്ധിപ്പിക്കുക.) ചെറിയതരം വാഹനങ്ങളിൽ സ്പീഡ് റിഡക്ഷൻ 4:1 വരെയും വലിയ തരം വാഹനങ്ങളിൽ 10:1 വരെയും ആയിരിക്കും. ഫൈനൽ ഡ്രൈവിൽ ബിവൽ പിനിയനും ക്രൗൺ വീലും ഉപയോഗിച്ചോ വേം ആന്റ് ലീൽ ഉപയോഗിച്ചോ ആയിരിക്കും ഗിയർ ക്രമീകരണം നടത്തുന്നത്. 1.സ്ട്രെയിറ്റ് ബെവൽ ഗിയർ ഇത്തരം ഗിയർ സംവിധാനത്തിൽ ബിവൽ പിനിയനിലേയും, ക്രൗൺ വീലിലെയും പല്ലുകൾ നിരപ്പായതായിരിക്കും. മറ്റുള്ള ഫൈനൽ ഡ്രൈവുകളെ അപേക്ഷിച്ച് ലളിതവും, ചിലവ് കുറഞ്ഞതുമായ ഡ്രൈവാണിത്. ഇത്തരം ഡ്രൈവുകളിൽ ഒരു സമയം ബിവൽപിനിയനിലേയും കൗൺ വീലിലേയും ഒരു ജോഡി പല്ലുകൾ മാത്രം സമ്പർക്കത്തിൽ വരുന്നുള്ളൂ. ഇക്കാരണത്താൽ പല്ലുകൾ അനുഭവപ്പെടുന്ന ലോഡ് വളരെ കൂടുതൽ ആയിരിക്കും. കൂടാതെ ഇത്തരം ഡ്രൈവുകൾ വളരെ ശബ്ദമേറിയതും, തേയ്മാനം കൂടുതൽ ഉള്ളതുമാണ്. 2. സ്‌പൈ...

സെമി ഫ്ളോട്ടിങ്ങ് തരത്തിന്റെയും, ഫുൾഫ്ളോട്ടിങ്ങ് തരത്തിന്റെയും ഒരു സമ്മിശ്ര രൂപമാണിത്. ഇതിൽ വീൽ ഹബിനും ആക്സിൽ കേസിങ്ങിനും ഇടയിലായിട്ടാണ്. ബെയറിങ്ങ് നൽകുന്നത്. ഇക്കാരണത്താൽ വാഹനഭാരംമൂലം ആക്സിൽ ഷാഫ്റ്റിന് ബെന്റിങ്ങ് മൊമന്റിനെയും, ഷിയറിങ്ങ് ഫോഴ്സിനെയും താങ്ങേണ്ടതായി വരുന്നില്ല. ഇതെല്ലാം ആക്സിൽ കേസിങ്ങാണ് വഹിക്കുന്നത്. കാറുകളിലും, ലൈറ്റ് കൊമേഴ്സ്യൽ വാഹനങ്ങളിലുമാണ് ഇത്തരം രീതികൂടുതലായും ഉപയോഗിച്ചുവരുന്നത്.

വളരെ കരുത്തേറിയതും, ഹെവി ഡ്യൂട്ടി തരം വാഹനങ്ങളിൽ കൂടു തലായി ഉപയോഗിക്കുന്നതുമായ ആക്സിൽ ഷാഫ്റ്റ് സപ്പോർട്ടിങ്ങ് രീതി യാണിത്. ആക്സിൽ കേസിങ്ങിന് മുകളിലായി രണ്ട് ടേപ്പർ റോളർ ബെയറിങ്ങുകളിലായി ഒരു ഫ്ളാഞ്ച്ഡ് സ്ളീവ് നൽകിയിരിക്കുന്നു. ഇതിലേക്കാണ് വീലുകലെ ഘടിപ്പിക്കുന്നത്. കൂടാതെ ആക്സിൽ ഷാഫ്റ്റിന് പുറത്തായും ഫ്ളാഞ്ചുകൾ നിർമ്മിച്ചിരിക്കും. ഇതിനെ ബോൾട്ടുകളുടെ സഹായത്താൽ ഫ്ളാഞ്ച്ഡ് സ്ളീവിലേക്ക് ചേർത്ത് നിർത്തിയിരിക്കുന്നു. ടേപ്പർ റോളർ ബെയറിങ്ങുകൾ സൈഡ് ലോഡുകളെ വഹിക്കുവാൻ ശേഷിയുള്ളതാണ്. ആക്സിൽ ഷാഫ്റ്റ് ഡ്രൈവിങ്ങ് ടോർക്ക് മാത്രമെ വഹിക്കുന്നുള്ളൂ. വാഹനഭാരം ആക്സസിൽ കേസിങ്ങിൽ നിന്നും ബെയറിങ്ങുകൾ വഴി വീലുകളിലേക്കാണ് എത്തുന്നത്. ഇക്കാരണത്താൽ ആക്സിൽ ഷാഫ്റ്റിന് ഏതെങ്കിലും രീതിയിൽ തകരാറ് സംഭവിച്ചാൽ വീലുകളെ ഉയർത്താതെ തന്നെ ആക്സിൽ ഷാഫ്റ്റ് അഴിച്ചുമാറ്റുവാൻ സാധിക്കുന്നു.

ഇത്തരം രീതിയിൽ ആക്സിൽ ഷാഫ്റ്റിന്റെ പുറത്തെ അഗ്രത്തായി വീൽഹബിനെ ഒരു ടേപ്പർ കീയുടെയും നട്ടിന്റെയും സഹായത്താൽ ഉറപ്പിച്ച് നിർത്തിയിരിക്കുന്നു. പ്ലെൻസുകളോടു കൂടിയ ആക്സസിൽ ഷാഫ്റ്റിന്റെ അകത്തെ അഗ്രത്തെ ഡിഫൻഷ്യൽ യൂണിറ്റിലെ സൺ ഗിയറിലേക്ക് കയറ്റിയിട്ടിരിക്കുന്നു. ആക്സിൽ ഷാഫ്റ്റിന്റെ പുറത്തെ അഗ്രത്ത് നൽകിയിരിക്കുന്ന ഒരു ബെയറിങ്ങിന്റെ സഹായത്താൽ ഷാഫ്റ്റിനെ കേസിങ്ങിൽ സപ്പോർട്ട് ചെയ്ത് നിർത്തുന്നു. വാഹനഭാരം ആക്സിൽ കേസിങ്ങിൽ നിന്നും ബെയറിങ്ങ് വഴി ആക്സിൽ ഷാഫ്റ്റിൽ എത്തുകയും, അവിടെ നിന്ന് റോഡ് വീലുകളിലേക്ക് മാറ്റപ്പെടുകയും ചെയ്യുന്നു. ഇത്തരം ആക്സിൽ സപ്പോർട്ടിങ്ങ് രീതി വളരെ ലളിതവും ചിലവ് കുറഞ്ഞതുമാണ്. ആക്സിൽ ഷാഫ്റ്റ് ഡ്രൈവിങ്ങ് ടോർക്കിന് പുറമെ എല്ലാ ലോഡുകളും വഹിക്കുന്നതിനാൽ വ്യാസം കൂട്ടിയാണ് നിർമ്മിക്കുന്നത്. കൂടുതലായും കാറുകളിലാണ് ഇത്തരം ആക്സിൽ സപ്പോർട്ടിങ്ങ് രീതി കൂടുതലായും ഉപയോഗിക്കുന്നത്.